Գործնականում կիրառվող խաղային փաթեթ | Արմինե Ավագյան

ԳՈՐԾՆԱԿԱՆՈՒՄ ԿԻՐԱՌՎՈՂ ԽԱՂԱՅԻՆ ՓԱԹԵԹ

Հույզերն ուղեկցում են մարդուն իր ողջ կյանքի ընթացքում։

Հուզական ինտելեկտի շնորհիվ մենք ճանաչում ենք ինչպես մեր, այնպես էլ մեզ շրջապատող մարդկանց հույզերը, հասկանում մտադրությունները, մոտիվացիան և ցանկությունները։

Հուզական ինտելեկտի զարգացման շնորհիվ երեխայի մոտ ձևավորվում է ինքնաճանաչողությունը, նա ձեռք է բերում ադեկվատ ինքնագնահատական, հարմարվում է նոր միջավայրային պայմաններին, հեշտությամբ է կոնտակտ հաստատում հասակակիցների հետ, ինչպես նաև փորձում ելքեր փնտրել կոնֆլիկտային իրավիճակներից։

Հուզական ինտելեկտը կարելի է զարգացնել ցանկացած տարիքում, սակայն ցանկալի է սկսել փոքր տարիքից։ Այդ հարցում ձեզ կօգնի այս խաղային փաթեթը, որը կարող եք կիրառել ինչպես անհատական, այնպես էլ խմբային պարապմունքների ժամանակ։