«Ինչպես ապահովել կրթության մատչելիությունը տեսողության խնդիրներ ունեցող սովորողների համար» մեթոդական ուղեցույցի նպատակն է աջակցել հանրակրթական ուսումնական հաստատությունների մանկավարժներին, նախադպրոցական ուսումնական հաստատությունների դաստիարակներին, տարածքային մանկավարժահոգեբանական աջակցության կենտրոնների մասնագետներին տեսողության խնդիրներ ունեցող երեխաների կրթության մատչելիության ապահովման գործընթացում։ Ձեռնարկում ներկայացված են սովորողների ներառման ռազմավարություններ, ֆիզիկական ու միջավայրային հարմարեցումներ տեսողության խանգարումներ ունեցող բոլոր սովորողների անհատական կրթական կարիքներին համապատասխան, աջակցող տեխնոլոգիաներ ու մեթոդիկաներ, որոնք ուղղված են տեսողության խանգարումներ ունեցող երեխաների ուսումնական գործունեության կազմակերպմանը, նրանց ակտիվ մասնակցությանը դասագործընթացին և կրթության մատչելիությանը:
