ՍԻՐԵԼԻ ԳՈՐԾԸՆԿԵՐՆԵՐ
Հանրապետական մանկավարժահոգեբանական կենտրոնի և «Պերկինս միջազգային» կազմակերպության հետ համագործակցությամբ իրականացվող վեբինարների շարքից հաջորդը՝
Թեմա՝ «ԲԱԶՄԱԿԻ ԽԱՆԳԱՐՈՒՄՆԵՐ ՈՒՆԵՑՈՂ ԵՐԵԽԱՆԵՐԻ ՈՒՍՈՒՑՄԱՆ ԱՋԱԿՑՈՒԹՅԱՆ ՌԱԶՄԱՎԱՐՈՒԹՅՈՒՆՆ ՈՒ ՄԻՋԱՄՏՈՒԹՅԱՆ ԿԱՌՈՒՑՎԱԾՔԸ»
Բանախոս` «Պերկինս միջազգային» կազմակերպության փորձագետ Մարտինա Ցելիզիչ
Այս վեբինարը վերաբերում է այնպիսի պարապմունքների մշակմանն ու իրականացմանը, որոնք նպաստում են բազմակի խանգարումներ ունեցող երեխաների ինքնուրույնության զարգացմանը։ Վեբինարի մասնակիցները ընդհանրական տեղեկատվություն կստանան բազմակի խանգարումներով երեխաների ընդհանուր կրթական ծրագիրը կազմելու սկզբունքների, մասնավորապես՝ պարապմունքների միջավայրը կազմակերպելու, հաղորդակցման կիրառվող միջոցների, դրանք երեխայի տեսողական, լսողական ու շարժողական կարողություններին հարմարեցնելու եղանակների վերաբերյալ։
Վեբինարը տեղի կունենա 2025թ․ ապրիլի 22-ին, ժամը` 20:00 առցանց ձևաչափով։
Մասնակցության համար անհրաժեշտ է մինչև ապրիլի 20-ը ժամը 18։00 նախապես գրանցվել հետևյալ հղումով՝
https://forms.gle/hJremxdhCLw4rm7t9
Գրանցումների քանակը՝ սահմանափակ։
Վեբինարին մասնակցությունն անվճար է։
Դե ինչ, բաց մի թողեք հնարավորությունը հետևելու միջազգային գործընկերների կողմից լավագույն փորձի փոխանցմանը՝ հայերեն թարգմանությամբ։
«ԱՊԱՀՈՎ ԴՊՐՈՑ | ԿՐԹՈՒԹՅՈՒՆ ԱՌԱՆՑ ԲՈՒԼԻՆԳԻ» մանկավարժական աշխատաժողով
2025թ․ ապրիլի 5-ին տեղի ունեցավ «ԱՊԱՀՈՎ ԴՊՐՈՑ | ԿՐԹՈՒԹՅՈՒՆ ԱՌԱՆՑ ԲՈՒԼԻՆԳԻ» մանկավարժական աշխատաժողովը, որը կազմակերպել էր Հանրապետական մանկավարժահոգեբանական կենտրոնը ՀՀ կրթության, գիտության, մշակույթի և սպորտի նախարարության, ՅՈՒՆԻՍԵՖ-ի և Հայկական պետական մանկավարժական համալսարանի հետ համագործակցությամբ։
Աշխատաժողովն ուղղված էր հանրակրթական դպրոցներում բռնությանն ու բուլինգին նպաստող միջավայրի ու գործոնների կանխարգելմանն ու բացառմանը, հակաբուլինգային միջոցառումների և դպրոցներում ընդհանուր դրական մթնոլորտի ապահովման ուղղությամբ իրականացվող աշխատանքների բարելավմանը։
Բացման խոսքով հանդես եկան ՀՀ ԿԳՄՍ նախարարի տեղակալ Արաքսիա Սվաջյանը, ՅՈՒՆԻՍԵՖ-ի ներկայացուցչի տեղակալ Սիլվիա Մեստրոնին, Հանրապետական մանկավարժահոգեբանական կենտրոնի տնօրեն Լիլիթ Մնացականյանը, ՀՊՄՀ աշխատակազմի և միջազգային համագործակցության գծով պրոռեկտոր Մարիաննա Հարությունյանը, «Կրթության զարգացման և նորարարությունների ազգային կենտրոն» հիմնադրամի տնօրենի ժամանակավոր պաշտոնակատար Արտաշես Թորոսյանը, Կրթության տեսչական մարմնի ղեկավար Վաղարշակ Մատիկյանը և ՅՈՒՆՍԵՖ-ի արդարադատության մատչելիության ծրագրի ղեկավար Վիկտորյա Օհանյանը: ➤➤➤
ՀՈԳԵԲԱՆԱԿԱՆ ԽՈՐՀՐԴԱՏՎՈՒԹՅՈՒՆ ԵՎ ԱՋԱԿՑՈՒԹՅԱՆ ՏՐԱՄԱԴՐՈՒՄ
Տեղեկացնում ենք, որ Հանրապետական մանկավարժահոգեբանական կենտրոնը Կրթության տեսչական մարմնի, ՀՀ ներքին գործերի նախարարության, Երևանի քաղաքապետարանի, մարզպետարանների, տարածքային մանկավարժահոգեբանական աջակցության կենտրոնների հետ
համագործակցությամբ ըստ իրավիճակի և անհրաժեշտության ձեռնարկում է միջոցառումներ՝ ուսումնական հաստատություններում բռնության (այդ թվում՝ բուլինգի) դեպքերին արձագանքելու և դրանց կանխարգելման աշխատանքներին համապատասխան ընթացք տալու համար։
Բռնության (բուլինգի) դեպքերի վերաբերյալ ահազանգերի աճով պայմանավորված՝ հարկ ենք համարում նշել, որ մեր արձագանքը արձանագրված դեպքերին իրականացվում է հնարավորինս արագ և հասցեական։
ՀՀ ԿԳՄՍՆ Հանրապետական մանկավարժահոգեբանական կենտրոնի թեժ գիծը գործում է երկուշաբթիից ուրբաթ, ժամը` 9։00-18։00, ընդմիջում՝ 13։00-14։00։
Լեռնային Ղարաբաղից բռնի տեղահանված երեխաներին և նրանց ընտանիքներին համապատասխան մանկավարժահոգեբանական աջակցության տրամադրումը հնարավորինս արագ և արդյունավետ իրականացնելու նպատակով Հանրապետական մանկավարժահոգեբանական կենտրոնի կողմից կազմակերպվել և համակարգվել են մի շարք գործընթացներ։
Այս օրերին ՀՄԿ-ն ակտիվ կապի մեջ է տարածքային մանկավարժահոգեբանական աջակցության կենտրոնների, դպրոցների տնօրենների, մանկավարժական ու հոգեբանական ծառայություններ իրականացնող տարբեր գործընկերների հետ՝ իրականացվող աշխատանքները թիրախային և արդյունավետ կազմակերպելու նպատակով։ ➤➤➤
ՀՄԿ | ՀԱՍԱՆԵԼԻ, ՄԱՏՉԵԼԻ ԿՐԹՈՒԹՅՈՒՆ
Հանրապետական մանկավարժահոգեբանական կենտրոնը պետական ոչ առևտրային կազմակերպություն է, որի նպատակը երեխայի կրթության իրականացման գործընթացում կրթական ծառայությունների մատչելիությունը, արդյունավետությունը և մասնակցային հնարավորությունները մեծացնելն է։
Կենտրոնի կողմից իրականացվում են վերապատրաստումներ, խորհրդատվություններ, մեթոդական ուղեցույցների, նյութերի և ձեռնարկների բովանդակային մշակումներ, որոնք միտված են ներառական կրթության կազմակերպման գործընթացի արդյունավետության բարձրացմանը և նրանում ներգրավված անձանց մասնագիտական որակների բարելավմանն ու կատարելագործմանը: ➤➤➤
Համագործակցություն
