Հանրապետական մանկավարժահոգեբանական կենտրոնում հյուրընկալվել էին «Պերկինս» միջազգային կազմակերպության դոնորներից Բիլեզիկյանների ընտանիքը։
ՀՄԿ տնօրեն Արաքսիա Սվաջյանը հյուրերին ներկայացրեց Հայաստանի Հանրապետությունում գործող ներառական կրթության համակարգը, Հանրապետական մանկավարժահոգեբանական կենտրոնի և Տարածքային մանկավարժահոգեբանական աջակցության կենտրոնների կողմից իրականացվող աշխատանքներն ու գործառույթները։
Այնուհետև հյուրերը շրջայց կատարեցին և ծանոթանացան Կենտրոնի աշխատանքային գործընթացին։ Մասնակցեցին «Ձեզ Համար» հասարակական կազմակերպության հետ համագործակցության շրջանակում «Պերկինս» միջազգային կազմակերպության կողմից իրականացվող «Բազմակի և ծանր խանգարումներ ունեցող երեխաների գնահատում և աջակցություն» թեմայով հերթական վերապատրաստման դասընթացին։
