«Պերկինս միջազգային» կազմակերպության գործընկերների հետ տևական համագործակցության ընթացքում աշխատանքային հանդիպումները պարբերական բնույթ են կրում։
Այսօր՝ 2023 թվականի հունիսի 29-ին, Հանրապետական մանկավարժահոգեբանական կենտրոնում հյուրընկալվել էին «Պերկինս միջազգային» կազմակերպության ներկայացուցիչներ Դարիա Յուդովիչիչը և կազմակերպության հայաստանյան ներկայացուցիչ Զարուհի Հարությունյանը։
ՀՄԿ տնօրեն Լիլիթ Մնացականյանը խոսեց նոր նախագծերի և առաջիկա անելիքների մասին։ Քննարկվեցին ներառական կրթության ոլորտում իրական փոփոխություններին միտված նորարարական մոտեցումներին ու մեթոդներին առնչվող հարցեր, ի մի բերվեցին առաջիկա անելիքները։ Անդրադարձ կատարվեց նաև համատեղ իրականացվող նախագծերին։
Հանդիպումն անցավ համագործակցային ջերմ ու կառուցողական մթնոլորտում։
