«Տեսողության խանգարում ունեցող սովորողների մանկավարժահոգեբանական աջակցության մեխանիզմները» թեմայով երկօրյա վերապատրաստման դասընթաց

Հանրապետական մանկավարժահոգեբանական կենտրոնում տեղի ունեցավ «Տեսողության խանգարում ունեցող սովորողների մանկավարժահոգեբանական աջակցության մեխանիզմները» թեմայով երկօրյա վերապատրաստման դասընթաց՝ նախատեսված տիֆլոմանկավարժների և տեսողության խանգարումներ ունեցող երեխաների հետ աշխատող այլ մասնագետներ համար:

Դասընթացը վարեց ՀՄԿ վերապատրաստող-մեթոդիստ, տիֆլոմանկավարժ, մ․գ․թ․, դոցենտ Սուսաննա Մուրադյանը։

Դասընթացի նպատակն էր մասնակիցներին ծանոթացնել տեսողության խանգարումներ ունեցող սովորողների զարգացման առանձնահատկություններին, սոցիալ-հոգեբանական հարմարեցման հիմնական ուղիներին, տարածության մեջ կողմնորոշվելու կարողության զարգացման առանձնահատկություններին, արդի խնդիրներին և հիմնական հասկացություններին։

Վերապատրաստման ընթացքում քննարկվեցին մի շարք հարցեր․

✦ տեսողության խանգարումներ ունեցող երեխաների բնութագրեր,

✦ առավել հաճախ հանդիպող աչքի հիվանդություններ,

✦ տարածական կողմնորոշում և շարժունակություն,

✦ ՏԽՈՒ անձանց սոցիալ-հոգեբանական վերականգնում,

✦ ՏԽՈՒ անձանց հետ իրականացվող աշխատանքներում ժամանակակից տեխնոլոգիաների կիրառում:

Վերապատրաստումը կրում էր տեսագործնական բնույթ՝ ինտերակտիվ և գործնական վարժություններով հագեցած։

Երկօրյա դասընթացի ավարտին մասնակիցները ստացան մասնակցության հավաստագրեր։

30.03.2021