2021թ․ փետրվար ամսվա ընթացքում Հանրապետական մանկավարժահոգեբանական կենտրոնի վերապատրաստումների և մեթոդական աջակցության բաժնի մասնագետներ Գ. Երանոսյանի և Ա. Քալաշյանի կողմից իրականացվել են վերապատրաստման դասընթացներ Գավառի, Կոտայքի և Աշտարակի տարածքային մանկավարժահոգեբանական աջակցության կենտրոնների մասնագետների համար:
Վերապատրաստման դասընթացի թեման էր «Մանկավարժահոգեբանական աջակցության ծառայությունների տրամադրումը շարժողական ֆունկցիաների խանգարումների դեպքում»:
Վերապատրաստման դասընթացի ընթացքում մասնակիցներին ներկայացվեց «Շարժողական հմտություններն ըստ հիմնական դասակարգումների», ինչպես նաև՝ «Խոշոր շարժունակության ֆունկցիայի դասակարգման համակարգ» և «Մանր շարժունակության ֆունկցիայի դասակարգման համակարգ» գնահատման գործիքները:
Իրականացվեցին բազմաթիվ գործնական աշխատանքներ, որոնց ընթացքում մասնակիցներն իրենք փորձեցին հնարել խաղ-վարժություններ՝ ուղղված խոշոր և մանր շարժողական հմտությունների զարգացմանը, որոնք նրանք կկիրառեն մանկավարժահոգեբանական աջակցության ծառայություններ տրամադրելիս:
Վերապատրաստման դասընթացները կրելու են շարունակական բնույթ:
