2022թ. նոյեմբերի 14-18-ը Հանրապետական մանկավարժահոգեբանական կենտրոնը Կարմիր խաչի միջազգային կոմիտեի (International Committee of the Red Cross in Armenia) հետ համագործակցությամբ իրականացրեց 5-օրյա վերապատրաստման դասընթաց ՀՀ Սյունիքի, Գեղարքունիքի, Վայոց Ձորի և Արարատի մարզերի տարածքային մանկավարժահոգեբանական աջակցության կենտրոնների հոգեբանների համար` «Օգնենք օգնողներին» և «Պատերազմից տուժած երեխաների հետ անհատական և խմբային հոգեբանական աշխատանքները» թեմաներով:
Դասընթացի նպատակն էր մասնագետներին զինել այնպիսի հմտություններով, որոնք կօգնեն նրանց աջակցել ուսուցիչներին`
- ✦ ունենալու առավել կայուն և դրական հոգեվիճակ,
- ✦ ճանաչել սթրեսի նշաններն իրենց աշակերտների մոտ և կիրառել համապատասխան մոտեցումներ,
- ✦ ինչպես նաև թույլ կտան հոգեբաններին առավել արդյունավետ իրականացնել անհատական և խմբային աշխատանքները պատերազմից տուժած կամ տարհանված երեխաների հետ:
22.11.2022
