Դեկտեմբերի 9-ին Հանրապետական մանկավարժահոգեբանական կենտրոնը ներկայացավ «Մանկավարժական մտքի փառատոն-4»-ին, որը կազմակերպվել էր Գլոբալ Բրիջ կրթահամալիրի կողմից։ Փառատոնը համախմբել էր մանկավարժական գործունեություն իրականացնող տարբեր կազմակերպություններին, հանրապետության կրթական հաստատությունների ուսուցիչներին, սովորողներին և ծնողներին ներկայացնելու իրենց գործունեությունը, փորձն ու գաղափարները։
Հանրապետական մանկավարժահոգեբանական կենտրոնի տաղավարում ցուցադրված Կենտրոնի կողմից մշակված և հրատարակված ուսումնամեթոդական ձեռնարկները, աշխատանքային գիրք-տետրերը և մեթոդական ուղեցույցները մեծ հետաքրքրություն առաջացրեցին միջոցառման այցելու-մանկավարժների և կրթության ոլորտի տարբեր մասնագետների շրջանում։ Առանձնակի ուշադրության արժանացան նաև մեր աշխատանքային նյութերն ու զարգացնող խաղերը, որոնք հիանալի օգնականներ են թե մանկավարժների, և թե սովորողների համար՝ ուսուցման արդյունավետ կազմակերպման ու իրականացման գործում։
Շնորհակալություն Գլոբալ Բրիջ կրթահամալիրին համագործակցության և կրթության ոլորտում այս յուրահատուկ ներդրման համար։ Այսօրինակ հանդիպումները փոխգործակցության և համատեղ արդյունավետ ծրագրեր մշակելու լավագույն առիթ են։
13.12.2023
