Մարտի 17-22-ը Հանրապետական մանկավարժահոգեբանական կենտրոնի կողմից Երևանի թիվ 4 տարածքային մանկավարժահոգեբանական աջակցման կենտրոնի մասնագետների համար իրականացվեց վերապատրաստման դասընթաց «Մանկավարժահոգեբանական աջակցության տրամադրումը մտավոր (ճանաչողական) գործընթացների խանգարում ունեցող երեխաներին» թեմայով:
Դասընթացը վարեցին ՀՄԿ վերապատրաստումների և մեթոդական աջակցության բաժնի մասնագետներ Լ․ Զաքարյանը և Գ. Հարությունյանը:
Դասընթացի նպատակն էր մասնակիցներին ներկայացնել ճանաչողական գործընթացների զարգացման տարիքային առանձնահատկությունները, հետազոտման մեխանիզմները, ինչպես նաև մի շարք մեթոդներ և հնարներ, որոնք արդյունավետ է կիրառել ճանաչողական գործընթացների խանգարումներ ունեցող երեխաների հետ իրականացվող աշխատանքների ընթացքում:
