«Փափուկ հմտությունների զարգացումը՝ որպես բուլինգի կանխարգելման և հաղթահարման գործոն» ձեռնարկ

Հանրապետական մանկավարժահոգեբանական կենտրոնի և «Լիբերալ քաղաքականության ինստիտուտ» հասարակական կազմակերպության համագործակցության շրջանակում ՀՄԿ-ի կողմից մշակվել և լույս է տեսել «ՓԱՓՈՒԿ ՀՄՏՈՒԹՅՈՒՆՆԵՐԻ ԶԱՐԳԱՑՈՒՄԸ՝ ՈՐՊԵՍ ԲՈՒԼԻՆԳԻ ԿԱՆԽԱՐԳԵԼՄԱՆ ԵՎ ՀԱՂԹԱՀԱՐՄԱՆ ԳՈՐԾՈՆ» ձեռնարկը՝ նախատեսված մանկավարժների և հոգեբանների համար։

Աշխանքային խմբի ղեկավար՝ Լիլիթ Մնացականյան

Հեղինակներ՝ Հայկուհի Ադամյան, Անի Խուդոյան

Ձեռնարկի նպատակն է՝

• ✦ նվազեցնել բուլինգի դրսևորումները հանրակրթական ուսումնական հաստատություններում,
• ✦ արդիականացնել մանկավարժների կարողությունները բուլինգի կանխարգելման և հաղթահարման ուղղությամբ,
• ✦ դարձնել սովորողներին առավել իրազեկ և պաշտպանված նման իրավիճակներում,
• ✦ նպաստել առանց բռնության միջավայրի ստեղծմանն ու կայացմանը:

Այն ներառում է տարբեր ռեսուրսներ՝ որպես պրակտիկ գործիքակազմ առավելագույն հնարավորություններ ապահովելով դպրոցներում բուլինգի հաղթահարման և կանխարգելման համար (սցենարներ, դերախաղեր, տեսանյութեր, բուլինգի բացահայտման և հաղորդման նպատակով սովորողների հետ արդյունավետ զրույցներ և քննարկումներ իրականացնելու համար անհրաժեշտ նյութեր)։

Ուսուցիչների և հոգեբանների համար նախատեսված այս ձեռնարկը՝

• ✦ կօգնի գործնականում ծանոթանալ երեխաների պաշտպանությանն առնչվող հիմնական հասկացություններին և սկզբունքներին,
• ✦ հասկանալ, թե ինչ է նշանակում համակարգված մոտեցում ցուցաբերել երեխաների պաշտպանությանը,
• ✦ ինչպես ստեղծել անվտանգ միջավայր ուսումնական հաստատությունում բոլոր սովորողների համար,
• ✦ ինչպես նաև արդյունավետ կերպով կանխարգելել և հաղթահարել երեխաների հանդեպ բուլինգի ցանկացած դրսևորում:

Ձեռնարկը երաշխավորվել է ՀՀ ԿԳՄՍ նախարարի 12.06.2024թ. N 1070-Ա/2 հրամանով որպես ուսումնական նյութ։

Ձեռնարկը հասանելի է հայերեն և անգլերեն լեզուներով։