«Կրթության հոգեբանների աշխատանքը արտակարգ իրավիճակում» թեմայով վերապատրաստման դասընթաց

Նոյեմբերի 10-13 «Մանկական և կրթության հոգեբանների հայկական ասոցիացիայի» կողմից Յունիսեֆի հայաստանյան գրասենյակի հետ համատեղ «Ճգնաժամային իրավիճակում հոգեկան առողջության և սոցիալական ոլորտի աշխատակիցների կարողությունների բարելավմանն ուղղված հոգեսոցիալական աջակցության ծրագրի» շրջանակում՝ համագործակցելով ՀՀ ԿԳՄՍ նախարարության, Հանրապետական մանկավարժահոգեբանական կենտրոնի և ԵՊՀ անձի հոգեբանության ամբիոնի հետ, իրականացվեց «Կրթության հոգեբանների աշխատանքը արտակարգ իրավիճակում» թեմայով հեռավար վերապատրաստման դասընթաց։

Վերապատրաստման դասընթացին մասնակցում էին ՀՀ հանրակրթական դպրոցների և տարածքային մանկավարժահոգեբանական աջակցության կենտրոնների հոգեբանները։

Վերապատրաստման ծրագրի շրջանակում հոգեբաններին փոխանցվեցին հետևյալ գիտելիքները և կարողությունները՝

✦ Պատկերացում հոգետրավմայի մասին,

✦ Հոգետրավմային տրվող տարիքային արձագանքները,

✦ Դպրոցական հոգեբանների արձագանքը հոգետրավմա ապրող աշակերտներին,

✦ Դպրոցական հոգեբանների աշխատանքը ուսուցիչների և ծնողների հետ,

✦ Ծանոթացում արտակարգ իրավիճակներում երեխաների հետ աշխատանքի մի շարք գործիքների հետ։

Ճգնաժամային և արտակարգ իրավիճակներում կրթական հոգեբանները հանդիսանում են այն աջակցող օղակը, որն անմիջականորեն աշխատում է տարբեր խմբերի հետ՝ աշակերտներ, ծնողներ, դպրոցական անձնակազմ, և անհրաժեշտ գործիքակազմին տիրապետումը ավելի արդյունավետ է դարձնում դպրոցում իրականացվող առաջին հոգեբանական աջակցությունը։