Հանրապետական մանկավարժահոգեբանական կենտրոնի վերապատրաստումների և մեթոդական աջակցության բաժնի մեթոդիստ-վերապատրաստող, մ.գ.թ., դոցենտ` Սուսաննա Մուրադյանը, Սպիտակի և Վանաձորի տարածքային մանկավարժահոգեբանական աջակցության կենտրոնների մասնագետների համար իրականացրել է վերապատրաստման դասընթաց «Տեսողության խանգարում ունեցող սովորողների մանկավարժահոգեբանական աջակցության մեխանիզմները» թեմայով:
Վերապատրաստման արդյունքում մասնակիցները ձեռք են բերել գիտելիքներ տեսողության խանգարումներ ունեցող երեխաների բնութագրի, առավել հաճախ հանդիպող աչքի հիվանդությունների, տարածական կողմնորոշման և շարժունակության, տեսողության խանգարումների արդի խնդիրների, սոցիալ-հոգեբանական վերականգնման և այս անձանց հետ իրականացվող աշխատանքներում ժամանակակից տեխնոլոգիաների կիրառման վերաբերյալ:
