«ԿԵՐՊԱՐՎԵՍՏ 4»
աշխատանքային գիրք-տետրի մեթոդական ուղեցույց ուսուցչի համար
«ԿԵՐՊԱՐՎԵՍՏ 4» աշխատանքային գիրք-տետրի մեթոդական ուղեցույցը մշակվել է որպես ուսուցչին աջակցող գործիք՝ 4-րդ դասարանի «Կերպարվեստ» առարկայի ուսուցումն արդյունավետ կազմակերպելու համար: Այն միտված է հստակեցնելու դասավանդման կազմակերպումը, ապահովելու հարմարեցված մոտեցումներ բոլոր սովորողների համար ներառական միջավայրում և խթանելու ստեղծագործական ու տեսողական մտածողության զարգացումը:
Մեթոդական ուղեցույցը կազմվել է՝ հաշվի առնելով սովորողների տարիքային և անհատական առանձնահատկությունները, ներառական միջավայրի պահանջները և կերպարվեստի դասավանդման ընթացիկ մոտեցումները։