Թեժ գիծ

Տեղեկացնում ենք, որ Հանրապետական մանկավարժահոգեբանական կենտրոնը Կրթության տեսչական մարմնի, ՀՀ ներքին գործերի նախարարության, Երևանի քաղաքապետարանի, մարզպետարանների, տարածքային մանկավարժահոգեբանական աջակցության կենտրոնների հետ

համագործակցությամբ ըստ իրավիճակի և անհրաժեշտության ձեռնարկում է միջոցառումներ՝ ուսումնական հաստատություններում բռնության (այդ թվում՝ բուլինգի) դեպքերին արձագանքելու և դրանց կանխարգելման աշխատանքներին համապատասխան ընթացք տալու համար։

Բռնության (բուլինգի) դեպքերի վերաբերյալ ահազանգերի աճով պայմանավորված՝ հարկ ենք համարում նշել, որ մեր արձագանքը արձանագրված դեպքերին իրականացվում է հնարավորինս արագ և հասցեական։

Բռնության (բուլինգի) դեպքի վերաբերյալ յուրաքանչյուր կոնկրետ դեպքի ահազանգով և հանգամանքներով պայմանավորված՝ ՀՄԿ-ն իրականացնում է փորձագիտական խմբի այց ուսումնական հաստատություն, որտեղ անցկացվում է համալիր աշխատանք դեպքին առնչվող բոլոր կողմերի հետ։ Այցերի ընթացքում տեղի են ունենում հանդիպումներ և զրույցներ դպրոցի ուսուցիչների, վարչակազմի, հոգեբանի, սովորողների և ծնողների հետ։ Մի քանի փուլով ընթացող հետազոտական աշխատանքի արդյունքում հոգեբանի և փորձագետների պարզաբանումների, եզրակացությունների և առաջարկությունների հիման վրա կայացվում է համապատասխան որոշում և տրվում եզրակացություն։ Հանրապետական մանկավարժահոգեբանական կենտրոնը ՀՀ ԿԳՄՍ նախարարության, Կրթության տեսչական մարմնի և համագործակցող կառույցների հետ համատեղ իրականացնում է աշխատանքներ խնդրին համալիր լուծում տալու համար։

ՀՀ ԿԳՄՍՆ Հանրապետական մանկավարժահոգեբանական կենտրոնի թեժ գիծը գործում է երկուշաբթիից ուրբաթ, ժամը` 9։00-18։00, ընդմիջում՝ 13։00-14։00։