2019թ. մարտի 28-ին մեր աշխատանքային խումբը տնօրեն Լ.Ասրյանի գլխավորությամբ այցելեց «Լուսէ» վերականգնողական կենտրոն՝ վերջինիս հրավերով: Այցելության նպատակն էր՝ համագործակցության հուշագրի կնքումը և փոխգործակցության ու փորձի փոխանակման աշխատանքների պայմանավորվածության սահմանումը:
Կենտրոնի տնօրեն Գ.Գալստյանը ներկայացրեց իրենց կողմից իրականացվող վերականգնողական աշխատանքների նկարագիրը՝ սկսած հիմնադրման օրից: Ծանոթացանք յուրաքանչյուր մասնագետի կողմից մատուցվող աջակցության ծառայություններին, շրջեցինք Կենտրոնի սենյակներով և հարակից բակով, ներկայացվեցին երեխաների կողմից ստեղծված աշխատանքները: Հանդիպումն անցավ ջերմ և բարեկամական մթնոլորտում, նախանշվեցին հետագա համագործակցության քայլերը:
