Հանրապետական մանկավարժահոգեբանական կենտրոնում տեղի ունեցավ «Լսողության խանգարում ունեցող սովորողների մանկավարժահոգեբանական աջակցության ուղիները և մեխանիզմները» թեմայով վերապատրաստման դասընթաց:
Դասընթացը վարեց ՀՄԿ վերապատրաստող-մեթոդիստ, սուրդոմանկավարժ, մ․գ․թ․, դոցենտ Անահիտ Դաշյանը:
Դասընթացի նպատակն է մասնակիցներին ներկայացնել լսողության խանգարումների դասակարգումը, հիմնական հասկացությունները, ծանոթացնել լսողության խանգարում ունեցող երեխաների զարգացման առանձնահատկություններին, կրթության արդի խնդիրներին, ուսուցման գործընթացի արդյունավետ կազմակերպման մեթոդներին և սկզբունքներին, լսողական ընկալման զարգացման և հաղորդակցման (բանավոր խոսքի, մատնախոսության, ժեստերի) կարողության զարգացման առանձնահատկություններին:
