ԱՊԱՀՈՎ ԴՊՐՈՑ | ԿՐԹՈՒԹՅՈՒՆ ԱՌԱՆՑ ԲՈՒԼԻՆԳԻ | ՄԱՆԿԱՎԱՐԺԱԿԱՆ ԱՇԽԱՏԱԺՈՂՈՎ 2025
Բուլինգի բացառումը դպրոցում արդյունավետ և ապահով կրթության երաշխիքներից մեկն է։ Բուլինգի կանխարգելումը և հաղթահարումը մասնավորապես կրթական համակարգում, հակաբուլինգային միջոցառումների ու քաղաքականության մշակումն ու համապատասխան ընթացակարգերի ստեղծումը Հանրապետական մանկավարժահոգեբանական կենտրոնի գործունեության ռազմավարական ուղղություններից են։
Հանրապետական մանկավարժահոգեբանական կենտրոնը ՀՀ կրթության, գիտության, մշակույթի և սպորտի նախարարության, ՅՈՒՆԻՍԵՖ-ի, Հայկական պետական մանկավարժական համալսարանի հետ համագործակցությամբ կազմակերպում է «ԱՊԱՀՈՎ ԴՊՐՈՑ | ԿՐԹՈՒԹՅՈՒՆ ԱՌԱՆՑ ԲՈՒԼԻՆԳԻ» խորագրով աշխատաժողով նախատեսված մանկավարժների համար։
Աշխատաժողովին բացման խոսքով հանդես կգան ՀՀ կրթության ոլորտի պատասխանատու պաշտոնյաներ, ՀՀ տարբեր գերատեսչությունների, միջազգային կառույցների և կազմակերպությունների ներկայացուցիչներ: Ոլորտի լավագույն մասնագետները կներկայանան զեկույցներով և վարպետաց դասերով՝ ուղղված հանրակրթական ուսումնական հաստատություններում բուլինգի կանխարգելման, բուլինգին նպաստող գործոնների բացառման, հակաբուլինգային իրազեկող արշավների խթանման և առանց բուլինգի կրթական միջավայրի ստեղծմանը։
Միջոցառումը կուղեկցվի դպրոցականների նկարների ցուցահանդեսով, ովքեր յուրովի են ներկայացրել բուլինգի մասին իրենց պատկերացումները։
Աշխատաժողովը տեղի կունենա 2025թ․ ապրիլի 5-ին, Ժամը՝ 9։30-15։30, Հայկական պետական մանկավարժական համալսարանի մեծ դահլիճում (հասցե՝ ք․ Երևան, Ալեք Մանուկյան 13)
ՍԻՐԵԼԻ ՄԱՆԿԱՎԱՐԺՆԵՐ
Սիրով սպասում ենք ձեր ակտիվ ներգրավվածությանը և մասնակցությանը կրթական այս միջոցառման շրջանակներում։
«ԱՊԱՀՈՎ ԴՊՐՈՑ | ԿՐԹՈՒԹՅՈՒՆ ԱՌԱՆՑ ԲՈՒԼԻՆԳԻ» աշխատաժողովի խոսնակներ
ՀԱՅԿՈՒՀԻ ԱԴԱՄՅԱՆ
Հանրապետական մանկավարժահոգեբանական կենտրոնի տնօրենի տեղակալ, Երևանի պետական համալսարանի անձի հոգեբանության ամբիոնի դասախոս
ԱՆԻ ԳԱՐԵԳԻՆՅԱՆ
ՀՄԿ վերապատրաստման և մեթոդական աջակցության բաժնի պետ
ԱՆԻ ԽՈՒԴՈՅԱՆ
ՀՄԿ վերապատրաստման և մեթոդական աջակցության բաժնի մեթոդիստ-վերապատրաստող, ՀՊՄՀ հոգեբանության ամբիոնի դասախոս, հոգեբանական գիտությունների թեկնածու
ԱԼԻՆԱ ՄԱՆՈՒԿՅԱՆ
Հոգեբանական գիտությունների թեկնածու, ՀՊՄՀ հատուկ մանկավարժության և հոգեբանության ամբիոնի դոցենտ, ՀՄԿ բովանդակային մշակումների բաժնի մասնագետ
ԱՐՄԻՆԵ ԱՎԱԳՅԱՆ
ՀՄԿ մանկավարժահոգեբանական աջակցության բաժնի հոգեբան
ԱՆԻ ԲՈՅԱՋՅԱՆ
ՀՄԿ գնահատման բաժնի հատուկ մանկավարժ
ՄԱՐԻՆԵ ԱՍԱՏՐՅԱՆ
ՀՄԿ մանկավարժահոգեբանական աջակցության բաժնի արտթերապիստ, «ՄԻԱՍԻՆ» թատերախմբի ղեկավար
ՔՐԻՍՏԻՆԱ ԲԱՂԴԱՍԱՐՅԱՆ
Կանանի սոցիալ-հոգեբանական կենտրոն հասարակական կազմակերպության նախագահ
ԼՈՒՍԻՆԵ ԲԱԼԱՅԱՆ
«Հանրակրթական դպրոցների ուսուցիչների և ուսուցչի օգնականների դասավանդման հմտությունների զարգացման ապահովում» ծրագրի մենթոր
ԳՈՌ ՄՍՐԻԿՅԱՆ
Երևանի թիվ 3 տարածքային մանկավարժահոգեբանական աջակցության կենտրոնի տնօրեն
ԿԱՐԻՆԵ ԱՎԵՏԻՍՅԱՆ
«Հանրակրթական դպրոցների ուսուցիչների և ուսուցչի օգնականների դասավանդման հմտությունների զարգացման ապահովում» ծրագրի մենթոր
Մանե Ավագյան, Հասմիկ Վարդանյան - Վայոց ձորի մարզում տարածքային մանկավարժահոգեբանական աջակցության կենտրոնի ծառայությունները տրամադրող «Մանկական զարգացման հիմնադրամի» մասնագետներ _______________________________________ Արմինե Գագիկյան - Ստեփանավանի տարածքային մանկավարժահոգեբանական աջակցության կենտրոնի հոգեբան
Հայկուհի Ադամյան, Արփի Խաչատուրյան, Արեվիկ Պետրոսյան, Լենա Պողոսյան, Լուսինե Բենյամինյան
Թեմա՝ «Դպրոցներում բուլինգի կանխարգելման և արձագանքման ընթացակարգերի ներդրում» պիլոտային ծրագիր․ դպրոցների փորձի ներկայացում
