ԳՏԻՐ ԶՈՒՅԳԸ
Նպատակ
Զարգացնել ուշադրության կենտրոնացումն ու պահպանումը, տրամաբանությունը, ընդլայնել բառապաշարը: Նպաստել տարբեր առարկաների, դրանց առանձին հատկանիշների ճանաչողությանը, դրանց տրամաբանական ընդհանրությունները գտնելու ունակությունների ձևավորմանը:
Տարիքային խումբ
5 և ավելի բարձր տարիքի երեխաներ։
Անհրաժեշտ նյութեր
Նկար-քարտեր, որոնց վրա պատկերված են տարբեր առարկաներ, կենդանիներ, թռչուններ և այլն:
Ընթացք
Մասնագետը երեխային տրամադրում է նկար-քարտը, ծանոթացնում կամ հիշեցնում բոլոր պատկերների անվանումները: Այնուհետև նրան տրվում է առաջադրանք՝ գտնել պատկերների համապատասխան տրամաբանական զույգերը: Եթե երեխան դժվարանում է կատարել առաջադրանքը, մասնագետը բացատրում է, թե ինչ սկզբունքով են պատկերները կապված միմյանց հետ: Երեխան մատիտի օգնությամբ զույգերը միացնում է միմյանց: