Վերապատրաստման և մեթոդական աջակցության բաժնի
հիմնական գործառույթներն են․
- Պլանային և ընթացիկ վերապատրաստումների համար մոդուլների մշակում.
- Տարածքային մանկավարժահոգեբանական աջակցության կենտրոնների (այսուհետ՝ ՏՄԱԿ) և նախադպրոցական և ուսումնական հաստատությունների մասնագետների համար պետական ծրագրով հաստատված (այդ թվում՝ ընթացիկ) վերապատրաստումների իրականացում.
- Կրթության առանձնահատուկ պայմանների կարիք ունեցող երեխաների կրթության կազմակերպման գործում շահագրգիռ կազմակերպությունների (պետական և համայնքային կառույցներ, ՊՈԱԿ-ներ, ՀԿ-ներ, Հիմնադրամներ և այլն) ներկայացուցիչների, ծնողների համար վերապատրաստման դասընթացների անցկացում.
- Երեխայի կրթության առանձնահատուկ պայմանների կարիքի գնահատման (այսուհետ՝ Գնահատում) և աջակցության ծառայությունների տրամադրման կարգի, ընթացակարգի և աջակցության իրականացման վերաբերյալ պլանային և ընթացիկ մշտադիտարկումների իրականացում և խորհրդատվության տրամադրում․
- Կենտրոնի մյուս բաժինների մասնագետների կողմից վերապատրաստման դասընթացների կամ սեմինարների համար մշակվող մոդուլների և դասընթացների անցկացման հարցերում աջակցություն և մեթոդական խորհրդատվության տրամադրում.
- Կրթության առանձնահատուկ պայմանների կարիք ունեցող երեխաների կրթության կազմակերպման գործընթացի բարելավմանը և մասնագետների կարողությունների զարգացմանը միտված ուսումնաօժանդակ ձեռնարկների, հոդվածների, գրքերի մշակում.
- ՏՄԱԿ-ների մասնագետների կողմից մշակված բովանդակային նյութերի (ուսումնաօժանդակ ձեռնարկներ, հոդվածներ, գրքեր և այլն) փորձաքննության իրականացում և եզրակացության տրամադրում.
- Կրթության առանձնահատուկ պայմանների կարիք ունեցող երեխաների կրթության գործընթացում կիրառվող գործիքակազմի և ձևաթղթերի (Գնահատման գործիքներ, եզրակացություն, ԱՈՒՊ, մշտադիտարկում և այլն) վերանայում և մշակում.
- Կրթության առանձնահատուկ պայմանների կարիք ունեցող երեխաների կրթության քաղաքականության բարելավմանն ուղղված առաջարկությունների մշակում.
- Կրթության առանձնահատուկ պայմանների կարիք ունեցող երեխաների կրթության կազմակերպման գործընթացին վերաբերող իրավական փաստաթղթերում առկա խնդիրների ու բացերի վերաբերյալ հարցերի քննարկում.
- Այլ կազմակերպությունների կողմից նախատեսվող կամ իրականացվող վերապատրաստման դասընթացների վերաբերյալ մասնագիտական եզրակացության տրամադրում.
- Շնորհանդեսների, կլոր սեղանների, քննարկումների կազմակերպում և անցկացում.
- Գնահատման արդյունքների, Անհատական ուսուցման պլանի /ԱՈՒՊ/, այդ թվում՝ մանկավարժահոգեբանական աջակցության ծառայությունների անհատական պլանի /ՄԱԾԱՊ/ կազմման և կատարման, կրթության աջակցության ծառայությունների մատուցման կազմակերպման հարցերին առնչվող վեճերի քննարկում և անհրաժեշտության դեպքում արդյունքների վերանայում.
- Կրթության առանձնահատուկ պայմանների կարիք ունեցող երեխաների կրթության կազմակերպման գործընթացի վերաբերյալ ուսումնասիրությունների, մշտադիտարկման և վերլուծությունների իրականացում.
- մանկավարժահոգեբանական աջակցության ծառայությունների մատուցման վերաբերյալ տեղեկատվական-վերլուծական աշխատանքների իրականացում: