2019թ. մայիսի 7-9-ը Աղվերանում տեղի ունեցավ եռօրյա վերապատրաստման դասընթաց` ուղղված հատուկ կարիքներ ունեցող երեխաների հետ աշխատող մասնագետների ծնողավարման հմտությունների զարգացմանը: Այն կազմակերպվել էր ՀՄԿ և «Սեյվ դը չիլդրեն ինթերնեշնլ» կազմակերպության հայաստանյան ներկայացուցչության միջև համագործակցության հուշագրի շրջանակներում։ Վերապատրաստմանը մասնակցեցին երեխաների և ընտանիքի աջակցության, տարածքային մանկավարժահոգեբանական աջակցության կենտրոնների, հասարակական կազմակերպությունների մասնագետներ:
Դասընթացը վարեցին ՀՄԿ հոգեբաններ Ս․Անտոնյանը, Լ․Թովմասյանը, Լ․Հովհաննիսյանը և Ն․Մովսիսյանը: Կրթության առանձնահատուկ պայմանների կարիք ունեցող երեխաներին մատուցվող ծառայությունների որակի բարձրացմանն ուղղված վերապատրաստումների ծրագրի ամփոփման ու փակման արարողությանը ներկա էին ՀՄԿ տնօրեն Լ․Ասրյանը, «Սեյվ դը չիլդրեն ինթերնեշնլ» կազմակերպության հայաստանյան ներկայացչության համակարգող Ի․Մանուկյանը, ՅՈՒՆԻՍԵՖ-ի հայաստանյան գրասենյակի երեխաների պաշտպանության ծրագրի համակարգող Հ․Առաքելյանը։
