Անվտանգ կրթական միջավայրի ապահովում․ ՀՄԿ-ի շարունակական աշխատանքը բռնության և բուլինգի կանխարգելման ուղղությամբ

Վերջին շրջանում բռնության դեպքերի վերաբերյալ ահազանգերի թվի աճով պայմանավորված կարևոր ենք համարում ընդգծել, որ ՀՄԿ-ն, համագործակցելով ՀՀ կրթության տեսչական մարմնի, ՀՀ ներքին գործերի նախարարության, Երևանի քաղաքապետարանի կրթության վարչության, տարածքային մանկավարժահոգեբանական աջակցության կենտրոնների, ինչպես նաև խնամակալության և հոգաբարձության մարմինների հետ, հետևողականորեն և մշտապես արձագանքում է բոլոր ահազանգերին։

Յուրաքանչյուր դեպք դիտարկվում է հնարավորինս սեղմ ժամկետներում՝ հաշվի առնելով դրա առանձնահատկությունները, առկա հանգամանքներն ու տեղեկությունները։

ՀՄԿ մասնագետներն այցելում են համապատասխան ուսումնական հաստատություններ՝ բազմակողմանիորեն ուսումնասիրելու և դրան առնչվող բոլոր կողմերի հետ մասնագիտական աշխատանք իրականացնելու նպատակով։

Աշխատանքների շրջանակում հանդիպումներ և քննարկումներ են անցկացվում տնօրենության, մանկավարժական աշխատողների, հոգեբանների, սովորողների և ծնողների հետ։

Իրականացվում են անհրաժեշտ մասնագիտական ուսումնասիրություններ և գնահատումներ, որոնց արդյունքների հիման վրա ձևակերպվում են համապատասխան առաջարկություններ, նախանշվում հետագա քայլերը, որի շրջանակում համապատասխան ուղղությամբ խորհրդատվություն և աջակցություն է տրամադրվում ուսումնական հաստատության տնօրեններին, հոգեբանններին, մանկավարժական աշխատողներին և ՏՄԱԿ-ի մասնագետներին։

ՀՄԿ-ն կարևորում է ոչ միայն արձանագրված դեպքերին համարժեք արձագանքումը, այլև դրանց կանխարգելմանն ուղղված հետևողական աշխատանքը։

ՀՀ կրթության, գիտության, մշակույթի և սպորտի նախարարության և գործընկեր կառույցների հետ համագործակցությամբ Կենտրոնը շարունակելու է իր աշխատանքները՝ նպաստելով կրթական միջավայրում առկա խնդիրների բազմակողմանի ուսումնասիրմանը, արդյունավետ լուծումների մշակմանը և յուրաքանչյուր սովորողի համար անվտանգ ու բարենպաստ պայմանների ապահովմանը։

Անվտանգ կրթական միջավայրի ձևավորումը համատեղ պատասխանատվություն է, որը պահանջում է հետևողական և համագործակցային աշխատանք բոլոր ներգրավված կողմերի մասնակցությամբ։

 22.10.2026