ՊԱՊՆ ՈՒ ՇԱՂԳԱՄԸ
Խաղը ստեղծված է «Պապն ու շաղգամը» ժողովրդական հեքիաթի հիման վրա և նախատեսված է տարրական դասարանների սովորողների համար։
Նպատակ
- Զարգացնել երեխաների լսելու, կարդալու և հիշողության հմտությունները՝ միաժամանակ վերհիշելով հեքիաթի բովանդակությունն ու հիմնական գաղափարը։
- Խթանել համագործակցության և միասնական ուժի արժեքների ըմբռնումը՝ դարձնելով ուսուցումն ավելի դինամիկ և մոտիվացնող:
Խաղի ընթացք
Սովորողները նախ լսում (աուդիո տարբերակով) կամ ընթերցում են «Պապն ու շաղգամը» հեքիաթը։ Այնուհետև անցնում են ինտերակտիվ խաղին, որը ներառում է տարբեր առաջադրանքներ՝
- բազմատեսակ հարցեր,
- բազմատեսակ հարցեր,
- գործողությունների հերթականության վերականգնում և այլն։
Այս խաղի միջոցով սովորողները ոչ միայն ամրապնդում են հեքիաթի բովանդակությունը, այլև ակտիվ մասնակցում ուսուցման գործընթացին՝ զարգացնելով լեզվական, տրամաբանական, ինչպես նաև հաղորդակցման հմտություններ։ Խաղը նպաստում է նաև երեխաների ուշադրության, վերլուծական մտածողության և խմբային աշխատանքի կարողությունների զարգացմանը։
ԳՈՒՅՆԵՐԻ ՃԱՆԱՉՈՒՄ ԵՎ ԱՄՐԱՊՆԴՈՒՄ
Նպատակ
Խաղը նպաստում է կարմիր, կանաչ, կապույտ և դեղին գույների ճանաչմանը և ամրապնդմանը գունավոր, գրավիչ պատկերների կիրառմամբ։ Այն օգնում է երեխաներին տարբերակել նշված գույները, հիշել դրանց անունները և մտովի համադրել կոնկրետ առարկաների կամ երևույթների հետ։ Խաղը միաժամանակ նաև ուսուցողական միջոց է՝ գույների վերաբերյալ նոր տեղեկություններ հաղորդելու համար։
Գունավոր պատկերների կիրառումը նպաստում է երեխաների ճանաչողական գործընթացների զարգացմանը՝ խթանելով ուշադրությունը, հիշողությունը և մտածողությունը։
Խաղի ընթացք
Խաղացողը դիտում է գունավոր պատկերներ, որոնց բնորոշ է որևէ կոնկրետ գույն (օրինակ՝ կարմիր խնձոր, կանաչ տերև, կապույտ փուչիկ, դեղին արև)։ Նպատակն է ճիշտ համադրել պատկերը համապատասխան գույնի տիրույթի հետ։
Խաղը կարելի է անցկացնել հետևյալ ձևերով.
- Ինքնուրույն աշխատանք. երեխան դիտում է պատկերը և ընտրում համապատասխան գույնը։
- Ուսուցչի կամ մեծահասակի ուղղորդմամբ. երեխան նկարագրում է պատկերը, անվանում գույնը, պատմում՝ որտեղ է հանդիպել նման գույն, ինչով է այն տարբերվում մյուսներից։
- Խմբային քննարկման ձևով․ երեխաները համեմատում են գույները, փորձում հիշել առարկաներ, որոնք այդ գույնն ունեն։
Խաղը հնարավորություն է տալիս ոչ միայն սովորել գույները, այլ նաև ամրապնդել այդ գիտելիքները խաղային, տեսողական ու խոսքային ակտիվության միջոցով։
ԱՆՎԱՆԻՐ ՄԵԿ ԲԱՌՈՎ
Նպատակ
Նպաստել երեխայի ճանաչողության ընդլայնմանը, զարգացնել մտածողությունը, ուշադրությունը և հիշողությունը: Սովորեցնել դասակարգել, խմբավորել և ընդհանրացնել առարկաները:
Խաղի ընթացք
Մասնագետը հաջորդականությամբ նկար-քարտերը տալիս է երեխային: Յուրաքանչյուր քարտի վրա պատկերված են որոշակի խմբի առարկաներ, օրինակ՝ միայն կահույք, միրգ կամ բանջարեղեն: Երեխան պետք է ընդհանրացնի առարկաների խմբերը և անվանի մեկ բառով։
ԳՈՒՄԱՐՄԱՆ ԳՈՐԾՈՂՈՒԹՅՈՒՆՆԵՐ 10-Ի ՍԱՀՄԱՆՈՒՄ
Նպատակ
10-ի սահմանում գումարման գործողություն կատարելու կարողության ամրապնդում:
Անհրաժեշտ նյութեր
Խաղն իր մեջ ներառում է 22 քարտ, որոնցից 11-ի վրա տրված են թվաբանական գործողություններ, իսկ մյուս 11-ի վրա գրված են այդ գործողությունների պատասխանները:
ՏԱՐՎԱ ԱՄԻՍՆԵՐՆ ԸՍՏ ԵՂԱՆԱԿՆԵՐԻ
Նպատակ
Խաղը երեխաների մոտ ձևավորում է տարվա եղանակների և եղանակներին համապատասխան ամիսների իմացություն: Խաղի միջոցով երեխան ձեռք է բերում գիտելիքներ տարվա եղանակների և ամիսների վերաբերյալ:
Խաղի ընթացք
Երեխան վերցնում է ամսվա քարտը և տեղադրում համապատասխան եղանակի վրա:
ՏԱՐՎԱ ԵՂԱՆԱԿՆԵՐ
Նպատակ
Խաղը երեխաների մոտ ձևավորում է տարվա եղանակների և եղանակներին բնորոշ երևույթների իմացություն: Խաղի միջոցով երեխան ձեռք է բերում համեմատման, համադրման, խմբավորման, վերլուծություն կատարելու հմտություններ: Այն հնարավորություն է տալիս ավելացնել բառապաշարը և խթանել բանավոր խոսքի զարգացումը:
Խաղի ընթացք
Երեխան վերցնում է հրահանգված նկար-քարտը և տեղադրում համապատասխան եղանակի վրա: Երեխային հրահանգվում է անվանել նկարները, նկարագրել տարբեր հատկանիշներով և այլն:
Ի՞ՆՉ ՆՅՈՒԹԻՑ Է ՊԱՏՐԱՍՏՎԱԾ
Նպատակ
Խաղի օգնությամբ նախադպրոցական տարիքի երեխաները կծանոթանան տարբեր նյութերի հատկությունների սկզբնական հասկացություններին, կսովորեն առարկաները ընդհանրացնել ըստ այն նյութերի, որոնցից դրանք պատրաստված են: Զարգացնում է մտածողություն, տրամաբանություն, հիշողություն, ուշադրություն:
Խաղի ընթացք
Երեխան պետք է ճիշտ որոշի, թե ինչ նյութից են պատրաստված տարբեր առարկաները:
ԽՄԲԱՎՈՐԻՐ ՄԻՐԳԸ ԵՎ ԲԱՆՋԱՐԵՂԵՆԸ
Նպատակ
Խաղն ուղղված է երեխայի մտածողության և տրամաբանության զարգացմանը` համեմատման, համադրման, խմբավորման, վերլուծության հմտությունների զարգացմանը: Այն հնարավորություն է տալիս ավելացնել բառապաշարը և խթանել բանավոր խոսքի զարգացումը:
Անհրաժեշտ նյութեր
Երեխան վերցնում է հրահանգված նկար-քարտը և տեղադրում համապատասխանաբար ծառի վրա կամ բանջարանոցում: Կարող ենք երեխային խնդրել անվանել նկարները, նկարագրել տարբեր հատկանիշներով և այլն:
Խաղի ընթացք
Երեխան վերցնում է հրահանգված նկար-քարտը և տեղադրում համապատասխանաբար ծառի վրա կամ բանջարանոցում: Կարող ենք երեխային խնդրել անվանել նկարները, նկարագրել տարբեր հատկանիշներով և այլն:
ԳՏԻՐ՝ ՈՒՄ ՏՈՒՆՆ Է
Նպատակ
Զարգացնում է տեսողական հիշողությունը, ուշադրությունը, ճանաչողությունը, տրամաբանական մտածողությունը: Երեխան գիտելիքներ է ձեռք բերում կենդանիների, թռչունների, միջատների և նրանց «տների» մասին:
Անհրաժեշտ նյութեր
Կենդանիներ և դրանց ապրելու վայրը պատկերող նկար քարտեր:
Խաղի ընթացք
Մանկավարժը առաջարկում է երեխային վերցնել նկար- քարտերից որևէ մեկը: Երեխան անվանելով տվյալ կենդանուն պետք է տեղադրի այնտեղ, որտեղ բնակվում է տվյալ կենդանին, օրինակ՝ ձին բնակվում է ախոռում: Այս խաղը զարգացնում է նաև երեխայի բանավոր խոսքը, երեխաները ճանաչում են կենդանու պատկերը, անվանակոչելով տեղադրում են համապատասխան կենդանուն պատկանող բնակավայրի քարտի վրա:
ԹԻՎ-ՔԱՆԱԿ ՀԱՐԱԲԵՐԱԿՑՈՒԹՅՈՒՆ
Նպատակ
Թիվը քանակի հետ համադրելու հմտության ձևավորում և ամրապնդում, ինչպես նաև ուշադրության և հիշողության զարգացում:
Անհրաժեշտ նյութեր
Խաղը կազմված է 20 քարտից, որոնցից 10-ի վրա առանձին-առանձին գրված են 1-10 թվերը, իսկ մյուս 10-ի վրա պատկերված են համապատասխան քանակությամբ առարկաներ:
Խաղի ընթացք
Բացելով որևէ քարտ՝ երեխան փորձում է գտնել դրան համապատասխան երկրորդը, օրինակ՝ եթե բացել է 2 թիվը, ապա պետք է գտնի երկու առարկայական նկարով քարտը: Եթե երկրորդ քարտ բացելով համընկնում չի լինում, ապա երեխան նորից փակում է բացված և միմյանց չհամապատասխանող քարտերը` փորձելով մտապահել դրանց տեղադրությունը քարտերի շարքում: