ՓՈՔՐԻԿ ՀԵՏԱԽՈՒՅԶԸ
Նպատակ
- Զարգացնել ուշադրությունը՝ սովորելով տարբերակել ճիշտը սխալից։
- Զարգացնել կարդալու և ընկալելու կարողությունները՝ վերլուծելով պնդումների և պատկերների համապատասխանությունը։
- Ուժեղացնել տրամաբանական մտածողությունը պատճառահետևանքային կապերի միջոցով։
- Նպաստել գույների իմացությանը և դրանց` ըստ իմաստի կիրառմանը (կանաչ՝ ճիշտ, կարմիր՝ սխալ)։
- 5-6 տարեկանների դեպքում կարող է անցկացվել ծնողի կամ դաստիարակի օգնությամբ՝ բանավոր հնչեցմամբ։
- 7-8 տարեկանները կարող են խաղալ ինքնուրույն՝ զարգացնելով նաև ընթերցանության հմտությունը։
Տարիքային խումբ — 5-8 տարեկան
(Հարմար է ինչպես նախադպրոցական, այնպես էլ կրտսեր դպրոցական տարիքի սովորողների համար):
ՀՈՒՅԶԵՐԻ ԳՈՒՆԱՊՆԱԿ
ՄԱՍ 2
Նպատակ — զարգացնել հույզերի ճանաչումը, տարբերակումը, որի արդյունքում երեխան կսովորի կառավարել իր սեփական հույզերը։ Ներկայացված նյութերով աշխատելու շնորհիվ երեխայի մոտ կձևավորվի նաև շատ կարևոր սոցիալական հմտություն՝ ապրումակցումը։
Տարիքային խումբ — 7-10 տարեկան
Ընթացք — Յուրաքանչյուր նկարում ներկայացված է համապատասխան առաջադրանքը։
ՀՈՒՅԶԵՐԻ ԳՈՒՆԱՊՆԱԿ
ՄԱՍ 1
Նպատակ — զարգացնել հույզերի ճանաչումը, տարբերակումը, որի արդյունքում
երեխան կսովորի կառավարել իր սեփական հույզերը։ Ներկայացված
նյութերով աշխատելու շնորհիվ երեխայի մոտ կձևավորվի նաև շատ
կարևոր սոցիալական հմտություն՝ ապրումակցումը։
Տարիքային խումբ — 5-10 տարեկան
Ընթացք — Յուրաքանչյուր նկարում ներկայացված է համապատասխան առաջադրանքը
ԿԱԽԱՐԴԱԿԱՆ ՏԱՐԱ
Նպատակ — զարգացնել երեխայի մանր մոտորիկան, ուշադրությունը, հարստացնել
բառապաշարը
Տարիքային խումբ — կրտսեր դպրոցական
Անհրաժեշտ նյութեր — գունավոր մատիտներ, գրիչ
Ընթացք — Անվանել և ներքևի հատվածում գրել տարայում գտնվող առարկաների անվանումները, այնուհետև գունավորել դրանք։
ԻՐԱԿԱՆ «ԵՍ», ԻԴԵԱԼԱԿԱՆ «ԵՍ»
Նպատակ — համարժեք ինքնագնահատականի ձևավորում
Տարիքային խումբ — կրտսեր դպրոցականներ և դեռահասներ
Անհրաժեշտ նյութեր — մատիտներ
Ընթացք — Խնդրել երեխային, որ նկարի երկու նկար: Առաջին նկարում նա պետք է պատկերի իրեն այնպիսին, ինչպիսին կա իրականում, երկրորդում՝ այպիսին, ինչպիսին կցանկանար, որ լիներ:
Նպատակ — զարգացնել երեխայի ինքնաճանաչողությունըԻՄ ԴՂՅԱԿԸ
Նպատակ — անձնային որակների ճանաչում, համարժեք ինքնագնահատականի ձևավորում
Տարիքային խումբ — կրտսեր դպրոցականներ և դեռահասներ
Անհրաժեշտ նյութեր — գրիչ կամ մատիտ
Ընթացք — Խնդրել երեխային, որ առաջին սյունակում ներկայացնի իր ուժեղ կողմերը՝ ի՞նչն է սիրում, գնահատում և կարևորում իր մեջ: Այնուհետև առաջարկել նրան ներկայացնել այն կարողություններն ու հմտությունները, որոնք կարողանում է կատարել մյուսներից ավելի լավ, իսկ երրորդ սյունակում՝ այն բոլոր նպատակները, որոնք պլանավորում է իրականացնել որոշակի ժամկետում:
ՄԻ ԱՆԳԱՄ
Նպատակ — զարգացնել երեխաների հուզական ինտելեկտը, երևակայությունը, համագործակցությունը հասակակիցների հետ
Տարիքային խումբ — 6-10 տարեկան
Մասնակիցների քանակ — 2-8 երեխա
Անհրաժեշտ նյութեր — հույզերը պատկերող քարտեր
Ընթացք — Քարտերը սեղանին դնել շրջված վիճակում այնպես, որ երեխաները չկարողանան տեսնել, թե ինչ պատկեր են վերցնում։ Առաջին մասնակիցը վերցնում է քարտը և սկսում պատմել մի պատմություն, որտեղ գլխավոր հերոսը ապրում է այն հույզը, որը պատկերված է քարտում։ Օրինակ՝ «Մի անգամ Արամը ․․․ »։ Հաջորդ մասնակիցը վերցնում է մյուս քարտը և պատմությունը շարունակում այնպես, որ հերոսի ապրումներն արտահայտեն իր վերցրած քարտում պատկերված հույզը։ Յուրաքանչյուր մասնակից շարունակում է պատմությունը նույն սկզբունքով, իր խոսքը սկսելով․ «Իսկ հետո Արամը․․․» բառերով։ Կարևոր է ցույց տալ մի հույզի փոխակերպումը մյուսով։ Կարևոր է նաև մտքի ընդհանրությունը պահպանելը․ յուրաքանչյուրի պատմությունը պետք է տրամաբանորեն կապված լինի մյուսի հետ ու շարունակի նախորդ մասնակցի միտքը։