2019թ. հուլիսի 9֊ին Հանրապետական մանկավարժահոգեբանական կենտրոնում տեղի ունեցավ կլոր սեղան ձևաչափով հանդիպում֊քննարկում Երևանից և ՀՀ մարզերից ժամանած, ԱՈւՊ֊ով աշխատող մասնագետների հետ, որը վարում էր ՀՄԿ֊ի տնօրեն Ա. Դավթյանը։ Օրակարգային քննարկման ընթացքում ներկաները վեր հանեցին աշխատանքային գործընթացում առնչված առկա խնդիրները՝ հանդես գալով առաջարկություններով։ Կարևորվեց ԱՈւՊ֊ի պարտադիր դերը յուրաքանչյուր երեխայի դինամիկ զարգացման նկարագիրը հաստատելու գործում, ընդգծվեց նաև ԱՈւՊ֊ի՝ կարևոր գործիքի դերը առարկայական ուսուցիչների և բազմամասնագիտական թիմի համատեղ աշխատանքում։
Քննարկման մասնակիցներին հնարավորություն տրվեց ԱՈւՊ֊ի ձևաչափային բարեփոխման համար գտնել ռացիոնալ լուծումներ և փոխկապակցված շղթայական համագործակցությամբ հասնել ցանկալի արդյունքի։ Ամփոփման վերջում պայմանավորվածություն ձեռք բերվեց հետագա նպատակային հանդիպումների համար։
