2018 թվականի հոկտեմբերի 2-ին Հանրապետական մանկավարժահոգեբանական կենտրոնում տեղի ունեցավ հանդիպում Կենտրոնական և Արևելյան Եվրոպայի և ԱՊՀ երկրների տարածաշրջանային գրասենյակի ՅՈՒՆԻՍԵՖ-ում ներառական կրթության խորհրդատու Պաուլա Հանթի և ՅՈՒՆԻՍԵՖ-ի հայաստանյան գրասենյակի կրթական ծրագրերի ղեկավար Ալվարդ Պողոսյանի հետ: Հանդիպման նպատակն էր՝ փորձագետին ներկայացնել ՀՄԿ և տարածքային մանկավարժահոգեբանական կենտրոնների գործունեության, գնահատման գործիքների արդյունավետ կիրառման, կրթության առանձնահատուկ պայմանների կարիքի գնահատման մեխանիզմներն ու առանձնահատկությունները, ինչպես նաև՝ ԱՈւՊ-ի կառուցվածքն ու դրա արդյունավետությունը կրթության առանձնահատուկ պայմանների կարիք ունեցող երեխայի ուսումնառության գործընթացում:
Փորձագետը հանդիպում ունեցավ նաև ՀՄԿ գնահատող թիմի հետ, որի ընթացքում վեր հանվեցին մասնագիտական և այլ կազմակերպությունների հետ համագործակցության հուշագրերի հիման վրա իրականացվող մի շարք գործառույթներին առնչվող հիմնահարցեր, ինչպես նաև՝ վեր հանվեցին երեխայի դիտարկման և գնահատման ընթացքում առկա խոչընդոտներն ու դրանց հիմքում ընկած պատճառները: Հանդիպման ավարտին նախանշվեցին հետագա համատեղ գործողությունների իրականացման քայլեր:
