«Լեռնային Ղարաբաղից բռնի տեղահանված երեխաների ներառումը կրթական գործընթացում նրանց հոգեսոցիալական տոկունության բարձրացման միջոցով» ծրագիր

կախված է տարբեր գործոններից, սակայն ամենակարևորը երեխաների՝ ինքնուրույն կյանքի պատրաստվածության և հոգեսոցիալական բարեկեցության բարձր մակարդակն է։ Իհարկե, երեխաները հենց իրենք կարող են վճռորոշ դեր խաղալ իրենց սեփական պաշտպանության գործում, եթե ունենան բավարար իրազեկվածություն և գիտելիքներ բարեկեցության և պաշտպանության մասին, սակայն պետք է հիշել, որ ճգնաժամային իրավիճակներում երեխաներն առավել խոցելի են։

ՀՀ կրթության, գիտության, մշակույթի և սպորտի նախարարության, Հանրապետական մանկավարժահոգեբանական կենտրոնի և ՅՈՒՆԵՍԿՕ-ի համագործակցությամբ 2023թ. դեկտեմբերի 1-ից իրականացվում է «Լեռնային Ղարաբաղից բռնի տեղահանված երեխաների ընդգրկումը կրթական գործընթացում նրանց հոգեսոցիալական տոկունության բարձրացման միջոցով» ծրագիրը, որի շրջանակներում նախատեսվում են հետևյալ գործողությունները․

• ✦ 6-18 տարեկան սովորողների հոգեսոցիալական տոկունության գնահատման գործիքի մշակում,
• ✦ ՀՀ բոլոր մարզերի 632 դպրոցների՝ ԼՂ-ից բռնի տեղահանված 6-18 տարեկան երեխաների հոգեսոցիալական տոկունության գնահատում,
• ✦ «Երեխաների հոգեսոցիալական տոկունության բարձրացում» ձեռնարկի մշակում հոգեբանների և ուսուցիչների համար,
• ✦ ՀՀ բոլոր մարզերում և Երևան քաղաքում «Երեխաների հոգեսոցիալական տոկունության բարձրացում» թեմայով վերապատրաստման դասընթացների իրականացում հանրակրթական ուսումնական հաստատությունների հոգեբանների և ուսուցիչների համար,
• ✦ Շուրջ 1500 ուսուցիչ կաշխատի սովորողների հետ, այդ թվում՝ Լեռնային Ղարաբաղից՝ «Երեխաների հոգեսոցիալական տոկունության բարձրացում» ձեռնարկի վրա հիմնվելով:
• ✦ Կլոր սեղանի կազմակերպում ԿԳՄՍՆ-ի, տարածաշրջանային ու ազգային կառավարման մարմինների ներկայացուցիչների, տեղական և միջազգային ՀԿ-ների հետ՝ ներկայացնելու Հայաստանի ողջ տարածքում իրականացված ծրագրի արդյունքները։