EduArmenia2022 Համահայկական գիտակրթական աշխատաժողովի «Ներառական կրթություն» բաժնի սեմինարները և աշխատարանները կազմակերպվում են Հանրապետական մանկավարժահոգեբանական կենտրոնի և Հայկական պետական մանկավարժական համալսարանի հետ համագործակցությամբ:
Սեմինարների հիմնական թեմատիկ ուղղություններն են՝
- Ներառական կրթության քաղաքականություն, արժեքների ձևավորում
- Դասավանդման ներառող ռազմավարություններ, այդ թվում ուսուցման համընդհանուր ձևավորում
- Կրթական միջավայրի հարմարեցումների ապահովում, այդ թվում Աջակցող տեխնոլոգիաների կիրառում
- Ներառականությունը նախադպրոցական տարիքում
- Ներառականությունը հետդպրոցական կրթության մեջ
- Բացառիկ ընդունակություններով սովորողների կրթության կազմակերպում
Աշխատաժողովը տեղի է ունենալու հուլիսի 1-4-ը։ Հուլիսի 1-ին և 2-ին աշխատարանները կիրականացվեն առկա ձևաչափով՝ Հայկական պետական մանկավարժական համալսարանում, իսկ հուլիսի 3-ին և 4-ին՝ առցանց ձևաչափով։
Զեկույցները լինելու են 30 րոպե տևողությամբ, որից 20 րոպեն տրամադրվելու է թեմայի ներկայացմանը, իսկ վերջին 10 րոպեն՝ հարցուպատասխանին և քննարկմանը։
Աշխատաժողովի օրակարգը՝ https://bit.ly/3yB4Prj
